Aty ku horizonti blu i detit bëhet pjesë e përditshmërisë dhe çdo hapësirë është projektuar për të reflektuar elegancë, rehati dhe qetësi, Vlora Landmark sjell një standard të ri jetese në rivierën shqiptare. Një rezidencë ekskluzive buzë detit, e konceptuar për familjet që kërkojnë jo vetëm një shtëpi, por një mënyrë jetese të rafinuar, mes luksit modern dhe atmosferës relaksuese mesdhetare. Ky apartament 3+1 me sipërfaqe totale 155 m² është zgjedhja ideale për familje që vlerësojnë hapësirat e bollshme, privatësinë dhe dritën natyrale në çdo ambient. I vendosur ne katin perdhe dhe i organizuar me kujdes dhe me një planimetri funksionale, apartamenti krijon një ndjesi harmonie dhe komoditeti në çdo detaj. Zona e ndenjes së bashku me ambientin e kuzhinës dhe ngrënies krijojnë një hapësirë elegante dhe mikpritëse, perfekte për momentet familjare apo pritjen e miqve. Apartamenti disponon 3 dhoma gjumi, të gjitha të ndriçuara natyralisht dhe me pamje të hapur drejt detit, duke krijuar një atmosferë të qetë dhe relaksuese në çdo moment të ditës. Prania e dritës natyrale dhe pamjeve panoramike i jep çdo ambienti një ndjesi ekskluzive dhe të ngrohtë njëkohësisht. Prona përfshin gjithashtu 2 tualete të organizuara në mënyrë funksionale dhe moderne, si edhe 2 ballkone, të cilat ofrojnë hapësirën ideale për të shijuar ajrin e pastër, perëndimet mbi det dhe qetësinë që karakterizon rezidencën. Vlora Landmark është një nga projektet më prestigjioze gated në bregdetin shqiptar, i zhvilluar sipas standardeve ndërkombëtare dhe i konceptuar për jetesë elitare gjatë gjithë vitit. Rezidenca kombinon cilësi të lartë ndërtimi, arkitekturë moderne dhe një infrastrukturë premium që garanton rehati, privatësi dhe siguri maksimale. Banorët përfitojnë nga një gamë e plotë fasilitetesh ekskluzive, duke përfshirë restorante elegante, supermarket me marka cilësore, palestër moderne, ambiente wellness, dyqane luksoze dhe hapësira të kuruara rekreative. Një element që e diferencon projektin është edhe shërbimi i hotelerisë i branduar nga Meliá, duke sjellë standarde ndërkombëtare hospitality dhe mirëmbajtjeje në jetesën e përditshme të banorëve. Me siguri 24/7, administrim profesional dhe një atmosferë resorti modern mesdhetar, Vlora Landmark përfaqëson një nga adresat më të kërkuara për familjet që dëshirojnë të jetojnë pranë detit pa kompromis në cilësi, stil dhe komoditet. Një pronë unike që kombinon hapësirën, luksin dhe pamjet panoramike të detit në një nga zhvillimet më ekskluzive të rivierës shqiptare.