Ambienti dupleks me qira ndodhet në 2 katet e sipërme të një vile 3-katëshe me oborr, në një lagje të qetë pranë Ambasadës Amerikane. Hyrja në katin +1 (e veçuar nga hyrja e katit përdhe) realizohet me shkallë të jashtme, dhe para derës ka një "buffer zone" të rrethuar me xhama për ta mbrojtur nga era. Lidhja e katit +1 dhe +2 bëhet me shkallë të brendshme druri. Kati +1 përmban një soxhorno të madhe dhe ambientin e ngrënies dhe gatimit që është open-space, një tualet që përfshin dhe kabinën e dushit me sauna dhe hidromasazh, si dhe një ballkon të shfrytëzueshëm. Kati +2 përfshin një soxhorno me oxhak, një ballkon, 1 tualet, 3 dhoma gjumi dhe një dhomë që gjithashtu mund të përshtatet lehtësisht për dhomë gjumi ose studio. Hapësirat janë planifikuar të bollshme dhe funksionale. Dritaret e mëdha me xhama të sigurisë së lartë sigurojnë dritë të bollshme natyrore në të gjitha hapësirat. Kopshti është i peizazhuar me kujdes dhe mirëmbajtur në mënyrë të përpiktë, i mbushur me pemë frutore të harlisura dhe gjelbërim të gjallë, duke krijuar një oaz të veçantë për relaksim. Gjithashtu, oborri ofron hapësirë të bollshme për parkim. Vila është përdorur ekskluzivisht me qira nga stafe ambasadash, çka dëshmon standardin dhe qetësinë që ajo ofron. Qeraja Bruto: 2000 euro. 📞 Na kontaktoni për informacion ose vizitë!